.jpeg)
الويبسايت ولا السوشال ميديا ؟
هنتكلم الاول عن السوشال ميديا و دي اسهل طريقة و اكترها انتشارا للوصول لعميلك اللي محتاج منتجك
و هنا هتحتاج تشتغل علي انك تبني جمهور علامتك التجارية عن طريق تقديم منتجك/خدمتك في شكل محتوي مستمر بتصاميم تخلي عميلك يتشد انه يزور صفحتك بشكل دائم و ده طبعا لازم في الاول يكون مدعوم باعلانات ممولة و خطة تسويقية صح علشان ينجح
طيب بالنسبة للويبسايت؟
الويبسايت موضوعه اكبر شوية في ناس بتخليه حجر الاساس عندها بالنسبة للوصول للعميل اما عن طريق الاعلانات علي جوجل او SEO علي مدار فترة طويلة لتصدر صفحات البحث و بيحتاج برضو خطة تسويقية للانتشار
طب ليه موضوعه اكبر ؟؟؟؟
لان بالاختلاف عن الفيسبوك اللي بتحاول تعرف الناس فيه شركتك بتعمل ايه
جوجل الناس بتدخل تبحث عن مجالك و ده معناه ان العميل هنا فاهم هو عايز ايه
فهيكون محتاج منك موقع بسيط و سهل الاستخدام مع تصميم ميوجعش العين و يقدر يوصل فيه للي هو عايزه و بيدور عليه ببساطة (و ده هنشرحه بالتفصيل فبوست تاني عن انواع المواقع ).
و يكون الموقع تحميله سريع مش بطئ لأن ده بيأثر علي تجربة العميل و خصوصا لو موقعك الناس هتكون بتزوره بشكل متكرر .