البرمجيات
إزاي عميلك يدفع أونلاين

إزاي عميلك يدفع أونلاين

 

كتر سؤال بيتسأل من اصحاب المواقع والابلكيشن خصوصاً المتاجر الالكترونية ازاى اخلى العميل بتاعى يدفع اونلاين أو ايه المطلوب مني عشان اخلي الدفع الالكتروني ممكن علي الموقع بتاعي؟؟
عشان نفعل الدفع اونلاين لازم نستخدم مزود خارجى للخدمة
فيه نوعين من مزودى الخدمات للدفع الالكترونى
وهنتكلم عن كل طريقة بإختصار :
1 - البنوك:
و هنا بيشترط وجود:
١- سجل تجارى
٢- وبطاقة ضريبية
٣- وحساب تجارى بإسم الشركة فى نفس البنك
= وبتوفر للعميل
- الدفع عن طريق الفيزا والماستر كارد
= ونسبة البنك بتكون على حسب نوع البيزنيس وحجم التعاملات الشهرية من( 1% - 3.5% ) على كل عملية بتتم
بالاضافة لبعض البنوك بتفرض رسوم شهرية على الخدمة
= مميزات الربط مع البنك مباشرة
١- التحصيل الفورى للمدفوعات: الفلوس بتدخل فى حسابك مباشرة بعد العملية (على حسب سياسة البنك ممكن تكون عليها hold لفترة)
بس الفلوس يعتبر دخلت عندك خلاص
٢- لو حجم البيزنيس كبير هيكون فيه تفاوض والنسبة هتكون اقل من الشركات الوسيطة
= اشهر البنوك المصرية الى بتدعم الدفع الالكترونى
(البنك العربى الافريقى - البنك الاهلى - بنك مصر - CIB - QNB)
2 - الشركات الوسيطة
= معظمهم بيشترط
١- سجل تجارى
٢- وبطاقة ضريبية
*بس مش شرط حساب تجارى بإسم الشركة وممكن تحول على أي حساب شخصى
= نسبة الشركات بتتراوح من ( 2.75% ل 3%) على كل عملية
وبعض الشركات بيكون فيه مبلغ ثابت 1 - 3 جنية بالاضافة للعمولة
وبيتم تحويل الفلوس لحسابك البنكى كل اسبوع او اسبوعين على حسب سياسة الشركة
= مميزات الربط مع الشركات الوسيطة
١- توفير اكتر من طريقة دفع (فيزا - ماستر - فورى - امان - مصارى - محافظ الكترونية)
٢- سهولة الاجراءات والربط بعكس البنوك بيكون الموضوع معقد شوية وبياخد وقت
٣- بعض شركات الدفع بتوفر استلام الاموال بدون موقع الكترونى من خلال رابط بيتم ارساله للعميل ويدخل يدفع من خلاله وده بيكون مناسب جداً للشركات الصغيرة الى لسه معندهاش متجر كامل
٤- بعض الشركات بتوفر خدمات الشحن واستلام الاموال من العميل
٥- بعض الشركات بتوفر خدمة POS وبيوفروا ماكينات دفع بالفيزا للعميل
٦- بعض الشركات بتوفر خدمة الدفع بالتقسيط بالتعاون مع Valu او Qasatly
= عيوب الربط مع الشركات الوسيطة
١- تأخر تحصيل الفلوس من بعض الشركات
٢- النسبة المرتفعة مقارنة بالبنك فى حالة الشركات الكبيرة
=اشهر الشركات الوسيطة
شركات مصرية (Fawry - Paymob - Vapulus - Cowpay ...)
شركات عربية (paytabs - Payfort - HyperPay ...)
شركات عالمية (Paypal - 2Checkout - Stripe ... )

متستناش كتير و خلي فكرتك واقع و ادخل السوق الالكتروني بالطريقة اللي تليق بيك 👨‍💼😉